BIG GEE-гийн орилоон

Ойрын саруудад нэлээдгүй олон хүнд танигдаж карьераа улам нэмэгдүүлээд байгаа хүн бол Мөнх-Эрдэнэ гэх энэ залуу. Реппер GEE гэдгээр нь залуу үеийнхэн эрхгүй таньж даган дууриаж явдаг. Аа харин хип хоп урлагаас жаахан хол байдаг хүмүүс нь Микроны босс, Приусны босс гэх киноны Халзан эрийн дүрээр сайн танина. Реппер хийхээс гадна гайгүйхэн жүжигчин гэдгээ харуулаад авсан тэрээр үүнээс хойш хувийн бизнестэй хүртэл болоод авсан ба охидын хамтлаг байгуулах зорилготой Оддын академи шоуны шүүгчээр ажиллаж байгаа. Ингээд бодоход түүний хувийн карьер бусад репперүүдийн хажууд суга өсөж байна. Уулын оргил руу зогсолтгүй мацаж буй реппер залуу Орилоон аймшгийн киноны дууг дуулсан ба нээлтэнд ирсэн байгаа нь энэ. Ямартай ч байнга улс төр, нийгмийн талаар реппер хийдэг залуу энэ удаа түүнээсээ холдож дээ.