75 дахь удаагийн “Алтан Бөмбөрцөг” кино наадам эхэллээ

Өчигдөр Лос-Анжелесын “Беверли Хилтон”-д 75 дахь удаагийн “Алтан Бөмбөрцөг” кино наадам эхэллээ.

АНУ-ын Кино Наадмын шагнал гардуулах ёслол “Оскар”-ын босгон дээр жил бүр “Алтан бөмбөрцөг” наадмыг зохион байгуулдаг. Эл наадмын шилдгүүдээр ирэх “Оскар”-ын “өнгө”-ийг тодорхойлдог гэхэд хилсдэхгүй. Тэгвэл “Беверли Хилтон” зочид буудалд зохион байгуулж буй энэ удаагийн 75 дахь кино наадмыг Сет Майерс хөтөлж байна. Гильермо дель Торогийн “The shape of water” нэртэй утга уянгын кино долоон төрөлд нэр дэвшсэн.

Стивен Спилбергийн “The Post”, Мартин Макдонагийн “Three billboards outside Ebbing, Missouri” гэх бүтээл тус тус зургаан шагналд өрсөлдөж байна. Харин “Big Little Lies” цуврал зургаан номинацад нэр дэвшиж, энэ үзүүлэлтээрээ телевизийн салбарт тэргүүлжээ.

Нэр хүндтэй уг наадамд өрсөлдөх нэр дэвшигчдийг өмнө нь албан ёсоор www.goldenglobes.com-д зарлаад байсан. Опра Винфри “Lifetime achievement” шагнал хүртэнэ.