Холливуудынхан бэлгийн хүчирхийллийн эсрэг нэгдэв

Холливуудын уран бүтээлчид ажлын газрын бэлгийн хүчирхийллийг эсэргүүцэн, кампанит ажил зохион байгуулсан талаар “Ройтерс” агентлаг мэдээллээ.

Уг бэлгийн хүчирхийллийн эсрэг кампанит ажлыг “Time”s Up” хэмээн нэрийджээ. Ойролцоогоор 300 гаруй уран бүтээлчид нэгдсэн хэмээн “Нью Йорк Таймс” сонин мэдээллээ.

“Хар хун” киногоороо “Оскар”-ын шагнал хүртсэн жүжигчин Натали Портман уг төслийг санаачлагчдын нэг бөгөөд “Эмэгтэйчүүдийг хүсээгүй байхад нь гарцаагүй байдалд оруулах нь хууль бус. Би энэ бусармаг үйлтэй тэмцэх болно” гэж хэлжээ.

Продюссер Харви Вайнштейнийг тойрсон бэлгийн дуулианы улмаас уран бүтээлчид эрхээ хамгаалан тэмцэх болсон юм.

Харвигийн эсрэг 20 гаруй уран бүтээлчид гомдол гаргаад байна