Галзуу барын аманд гараа хийхээс буцахгүй нас өнгөрсөн

Спортын өөр өөрийн төрөлдөө ноён оргилууд гэж нэрлэгддэг байсан хосууд бол Цагаанбаатар, Гүндэгмаа нар. Хамтын амьдралаа эхлээд нэлээдгүй олон жилийг ардаа үдэж өдгөө дөрвөн сайхан хүүхдийн аав ээж болсон хосууд маань хамтдаа удаан хугацааны дараа манай дуранд ийнхүү өртлөө. Оны шилдэг тамирчин шалгаруулах үдэшт энэ хоёр маань бараг л ахмад тамирчдын эгнээнд шилжсэн байгаа харагдана лээ. Цагтаа галзуу барын аманд гараа хийхээс ч буцахгүй эрч хүчээ спортод зориулсан тэд өдгөө гэр бүлийн амьдралдаа илүү анхаарах болжээ.