Сайн уу муу юу аль нь вэ хө?

Залхууралд автсан нийгэмд хийж бүтээхийн сайхныг гайхуулж яваа залуучууд цөөнгүй болжээ. Цахим ертөнц хөгжсөн энэ үед телевиз радиог царай алдахгүйгээр хийсэн бүтээснээ фэйсбүүкээр цацаж мэдэгддэг болсон. Түүний нэгээхэн жишээ бол Rockitbay буюу О.Баярсайхан зохиолыг нь бичиж найруулсан Онцц дүмд гэх ёс бус үг хэллэг, согтууруулах ундааны талаар өгүүлдэг кино юмаа. Монголдоо анхдагч болсон уг +18 цуврал анимейшн нь залуучуудын дунд нэлээдгүй эрчийг авсан билээ. Мэдээж сайны хажуугаар саар бий гэж түүний хийсэн бүтээлийг зарим эцэг эхчүүд буруушааж байгаа билээ. Учир нь +18 хэмээдэг ч түүнээс доош насны хүүхдүүд үзэж, үлгэр дууриалал авсаар байгаа гэнэ. Саяхан гэхэд л KFC түргэн хоолны газраас зохион явуулсан зургийн уралдаанд 11 настай оролцогчид Онцц дүмдээс санаа авсан харагдана лээ. Тэгэхээр түүний бүтээл Сайн уу муу юу?