“Fortescue Metals”-ийн ашиг огцом буурчээ

Австрали дахь төмрийн хүдрийн “Fortescue Metals” компани нь ашиг орлогоороо хамгийн дээгүүр бичигддэг. Өнгөрөгч онд гэхэд л бүтэн жилийн ашиг гурав дахин өсч шинжээчдийн таамгийг давсан. Төмрийн хүдрийн экспортоороо дэлхийд дөрөвдүгээрт ордог тус компанийн ашиг 984 сая ам.долларт хүрсэн нь өмнөх оны мөн үетэй харьцуулахад 668 сая ам.доллараар илүү дүн байсан. Тэгвэл энэ оны ханш нь итгэмээргүй ихээр унажээ. Учир нь гол худалдан авагч БНХАУ-ын эдийн засгийн байдал тааруу байсны улмаас төмрийн хүдрийн ханш сүүлийн гурван жил дараалан унасан нь тэдний ашиг унахад нөлөөлсөн байна.