Shinee хамтлагийн Ким Жoнхён нас барлаа

Солонгосын алдарт Shinee хамтлагийн дуучин Ким Жонхён өчигдөр Сөүл дэх гэрээсээ ухаангүй олдож, эмнэлэгт аваачих үед нас баржээ. Энэ жил 27 настай Жонхёны нас барсан шалтгааныг амиа хорлолт байсан эсэхийг шалгахаар цагдаа нар ажиллаж байна. Учир нь тэрээр нас барахаасаа хэдэн цагийн өмнө эгч рүүгэээ “Баяртай гэж хамгийн сүүлчийн удаа хэлье” гэсэн утгатай зурвас илгээсэн байна. Уг зурвасыг авсан эгч нь дүүгийндээ ирж эмнэлэгт хүргэсэн ч амийг нь аварч чадаагүй аж.

Ким Жонхён Shinee хамтлагт дуулахаас гадна дуу зохиож, бүжгийнхээ авьяасаар ялгардаг гишүүн нь байжээ. Жонхён хоёр жилийн өмнөөс ганцаарчилсан уран бүтээлээ эхлүүлж амжилт олоод байсан юм.