Трампт цаазаар авах ял “оноожээ”

АНУ-ын Ерөнхийлөгч Дональд Трамп БНАСАУ-ын удирдагч Ким Чен Уныг доромжилж зүрхэлсэн тул цаазаар авахуулах ёстой гэнэ. Ийм мэдэгдлийг Умард Солонгосын Хөдөлмөрийн намын төв хэвлэлд нийтлэгдсэн нийтлэлд бичсэн аж. Уг нийтлэлд Трамп өөдгүй этгээдээр өргөмжлөгдсөн бөгөөд Солонгосын сэтгүүлчид АНУ-ын төрийн тэргүүнийг хулчгар амьтан гэсэн байна. 

Трамп Умард Солонгосын төрийн тэргүүн Ким Чен Унтай нүүр тулж уулзахад бэлэн байна хэмээн мэдэгдсэн ч Хойд Солонгос дайсагналцсан бодлого явуулахаа зогсоохгүй бол АНУ-тай яриа хэлэлцээр хийх бодолгүй байгаа гэдгээ мэдэгдсэн билээ.