Криштиану Роналду дөрвөн хүүхдийн эцэг боллоо

Криштиану Роналду болон түүний найз бүсгүй Жиоржина Родригез тамирчин эрд охин төрүүлж өгчээ.“Реал Мадрид” багийн довтлогч эр шинэ хүнээ хүлээж авч буй аз жаргалтай гэр бүлийнхээ зургийг инстаграмдаа байршуулсан байна.
 
Хосууд охиндоо Алана Мартина хэмээх нэр хайрласан бөгөөд бяцхан охин Роналдугийн дөрөв дэх хүүхэд болж байгаа юм. Эцэг хүний амьдралын талаар Роналду “Аав байх нь намайг бүрэн дүүрэн өөрчилсөн ховор нандин мөч. Энэ бүхэн надад урьд өмнө нь хэзээ ч мэдэрч, ухаарч байгаагүй хайрын талаар сургасан. Намайг илүү зөөлөн болгож, амьдралд минь юу хамгийн чухал болохыг ухааруулж, илүү алсын зорилготой болгосон доо. Тэдэнтэйгээ цагийг хамт өнгөрүүлж, дэргэд нь байж, инээж баясана. Хүүхдүүд маань надад маш их аз жаргал, гэрэл гэгээг авчирсан” хэмээжээ.