Леброн Жэймс Майкл Жордантай эн тэнцжээ

Сагсан бөмбөгийн “Кливлэнд Кавальерс” багийн довтлогч Леброн Жэймс Үндэсний сагсан бөмбөгийн холбоонд оролцсон тоглолтынхоо тоогоор домогт Майкл Жордантай тэнцсэн байна. Өөрийн талбай дээр “Кавальерс” багийн “Милуоки”-гийн эсрэг хийсэн тоглолт Жэймсын хувьд 1072 дахь нь болсон гэнэ. Леброны тэргүүлсэн баг 124:119-ийн харьцаатайгаар ялалт байгуулжээ. 

Домогт сагсан бөмбөгч Жордан 15 жилийн хугацаанд мөн тооны тоглолтод оролцсон юм. Хэдийгээр Жэймс талбай дээр нийт 41688 минутыг өнгөрүүлж, 41011 гэсэн үзүүлэлттэй Жорданаас давсан ч авсан оноо, бөмбөг таслалт, блокшот зэргээрээ домогт тамирчнаас хоцорч байгаа билээ.