Дональд Трамп IQ-аа шалгуулахад бэлэн байна

АНУ-ын Төрийн нарийн бичгийн дарга Р.Тиллерсон саяхан төрийн тэргүүнээ мулгуу гэж дуудсан тухай мэдээлсэн. Тэрбээр Д.Трампын дарамт шахалтаас болж ажлаа өгч магадгүй гэсэн яриа ч гарсан байв. Р.Тиллерсон дээрх мэдээлэл цацагдсаны дараа албан ёсоор тайлбар хийж албан тушаалаасаа огцрох бодолгүй байгааг илэрхийллээ. Харин АНУ-ын ерөнхийлөгч Дональд Трамп хэлэхдээ “Би Тиллерсонд итгэдэг. Тэрбээр ажлаа үргэлжлүүлэх болно. Бид хоёр харилцаа сайтай байдаг. Заримдаа би түүнд хатуурхах үе бий. Мөн бид IQ шалгуулж хэн нь өндөр гэдгийг харуулж болно шүү” хэмээн сэтгүүлчдийн асуултад хариулжээ.