Фэйсбүүк рүү нэвтрэхэд хэцүү болжээ

Дэлхийн улс, орнуудад байгаа фэйсбүүк нийгмийн сүлжээг хэрэглэгчид асуудалтай тулгарав. Тус нийгмийн сүлжээнд нууц үгээ хийж нэвтрэхэд гацалт үүсч байгаа аж. Техникийн асуудлаас болж хэсэг хугацаанд ийм зүйл болов. Фэйсбүүк хэрэглэгчид Москва, Эдинбург, Токио, Милан, Прага, Нью-Йорк, Ром, Тель-Авив, Дүблин зэрэг дэлхийн томоохон хотуудад асуудалтай учирчээ. Фэйсбүүк бол дэлхийн хамгийн том нийгмийн сүлжээ юм. Тус сүлжээг 2004 оны хоёрдугаар сарын 04-ний өдөр Марк Цукерберг найзуудтайгаа хамт оюутны өрөөндөө сууж байгаад үүсгэсэн юм. Фэйсбүүк өнөөдөр дэлхийн хамгийн их хандалттай таван вэб сайтын нэг билээ. 2017 оны хагас жилийн байдлаар фэйсбүүкийн хандагчид хоёр тэрбумд хүрсэн юм. Өдгөө өдөр бүр 720 сая хүн фэйсбүүкийг ашиглаж байна.