Трампын цуваанд зам тээврийн осол гарчээ

АНУ-ын Ерөнхийлөгч Дональд Трамп Индиана мужийн Индианаполис хотод илтгэл тавьчихаад нисэх буудал руу буцах замд энэхүү осол тохиолдсон байна. Энэ тухай Цагаан ордны хэвлэлийн албанаас мэдээлжээ. Тэдний өгүүлснээр, Ерөнхийлөгчийг дагалдаж явсан цувааны нэгэн мотоциклтэй цагдаа жолоодлогоо алдсанаас энэ осол гарсан гэнэ. Мотоцикл нь замын баруун талд, цагдаа өөрөө зүүн талд хэвтэж байхыг сэтгүүлчид харсан байна. Энэхүү ослын үеэр Ерөнхийлөгчийн лимузинд ямар нэгэн зүйл тохиолдоогүй бөгөөд цувааны өөр тээврийн хэрэгсэлд нөлөөлсөн эсэх тухай мэдээлэл тодорхойгүй байгаа аж.