Тэйлор Свифтийг шүүхэд өгчээ

2001 онд бичигдсэн "Playas gon" Play" дууны зохиогчид дуучин Тэйлор Свифт энэ дууны үгний зарим нэг хэсгийг хулгайлсан хэмээн мэдэгджээ. Тэйлор нэг хэсэг хит болсон "Shake it Off" дуундаа тэр үгийг ашигласан гэж тэд үзэв. Тиймээс Шон Холл, Натан Батлер нар шүүхэд нэхэмжлэл гаргасан аж. Тэд Свифтээс хэдэн арван сая доллар нэхэж байгаа юм. Холлын хувьд Жастин Бибер, Maroon 5 зэрэг хамтлаг, дуучидтай хамтарч ажилласан бол Батлер Backstreet Boys зэрэг олон уран бүтээлчидтэй хамтарчээ. Энэ хоёр хүний зохиосон "Playas gon" Play" дууг 3LW нэртэй охидын поп хамтлаг дуулснаар Биллбоардын жагсаалтын 81 дүгээрт бичигдэж байжээ.