Трампын жиргээнүүдтэй ариун цэврийн цаас гарчээ

АНУ-ын Ерөнхийлөгч Доналд Трампын жиргэсэн өгүүлбэрүүдтэй ариун цэврийн цаас “Amazon”-д зарагдаж эхэлжээ. Интернет дэлгүүр “Amazon” нь Трампын жиргээтэй нэг боодол цаасаа 11.99 доллароор худалдаалж байгаа аж. Мөн Трампын зурагтай ариун цэврийн цаас 12.95 доллароор худалдаалагдаж байгаа гэнэ. АНУ-ын Ерөнхийлөгчийн жиргээтэй ариун цэврийн цаасан дээр Трампын Төрийн тэргүүн болохоосоо өмнө жиргэсэн жиргээнүүд ч байгаа аж. Бизнес эрхлэгчид Трампаар мөнгө олж байгаа гэхэд болно. Тэд Ерөнхийлөгчийнхөө зурагтай хувцаснууд, пиво, оймс, ариун цэврийн цаас худалдаанд нэвтрүүлсэн нь хүмүүсийн сонирхлыг ч ихээр татаж байгаа билээ.