АНУ ИРГЭДЭЭ ХОЙД СОЛОНГОСТ АЯЛАХЫГ ХОРИГЛОВ

АНУ-ын засаг захиргаа иргэдээ Хойд Солонгост аялахыг хориглосон шийдвэр гаргажээ. Хориг шийдвэрийг Засгийн газрын албан ёсны Federal Register эмхэтгэлд ирэх долоо хоногт нийтлэх тухай АНУ-ын Төрийн департаментын хэвлэлийн төлөөлөгч Хитер Нойерт мэдэгдсэн байна. Хориг 30 хоногийн дараагаас мөрдөгдөж эхлэх аж.

Хойд Солонгост аялахаар очсон ч шоронд хоригдож, улмаар эх орондоо ирээд удалгүй нас барсан америк оюутан Отто Уормбьерийн хэрэгтэй холбоотойгоор ийм шийдвэр гаргасан гэгдэж байна.

Хориг хэдий хугацаанд үргэлжлэх эсэх нь тодорхойгүй байгаа юм.

Хориг арга хэмжээ хэрэгжиж эхэлснээр АНУ-ын иргэд зайлшгүй шаардлагаар Хойд Солонгос улсад зорчих бол тусгай зөвшөөрөл авах ёстой болж байна.