Намынхаа сурталчилгаанаас залхсан гишүүн

Нэгэн үе буюу туранхай байхдаа "Тимон” нэрээр дуулж явсан үглээчин бацаан Н.Учрал өдгөө их хуралд заларчихсан сууж байгаа. Дээдсийн академи” /Royal Academy/-ийн ерөнхий захирал хэмээх тодотголтой, "Их Засаг” их сургуулийн өв залгамжлагч Н.Учрал баян эцгийн буянд бүхнийг гүйцэлдүүлж яваа. Тиймдээ ч улстөрд залраад амжсан. Үүнээсээ өмнө МАН-ын бага хурлын гишүүн, НАМЗХ-ын тэргүүн, Шадар сайдын туслах зэрэг албан тушаалуудыг хашсан юм. Үүнийгээ хар бор ажлыг нь хийсэн хэмээн үзсэн үү, эсвэл илүү ихийг хүсэв үү "Ах нар ёс суртахуунтай байх ёстой” хэмээн мэдэгдээд 2016 оны сонгуульд "гуядаж ялна” хэмээсэн мань эр ч гарсан. Намынхаа төлөө ингэж их гүйсэн залуу одоо бүр залхсан бололтой. Намын сурталчилгааны хаалтаас нэг иймэрхүү царайтай л гарч ирж байгаа харагдсан. Нэгэнт их хуралд гаргаад өгчихсөн намынхаа хий гэснийг хийхгүй гээд ч яахав. Залхуутай, яршигтай байсан ч ингээд л явах нь дээ Учрал минь. 

PAPARATSI.MN