Селена Гомесыг хайртынх нь найзууд үздэггүй

Орчин цагийн Ромео, Жульетта нар буюу Америкийн дуучин Селена Гомес, дуучин The Weeknd нар ойр тойрныхонтойгоо эв зүйгээ олж чадахгүй байгаа аж. Канадын дуучин эрийн найз нөхдөд түүний шинэ сонголт огтхон ч таалагдахгүй байгаа гэнэ.  Тэд Селенаг The Weeknd-д найзуудтайгаа уулзах боломж үл өгөхөөс гадна дуу хөгжмөөрөө хичээллэхэд нь ч нөлөөлж байна гэж үзжээ. Учир нь, дуучин залуу дурлалдаа мансуурсны улмаас аялан тоглолтдоо бэлтгэх ажил нь үлбэгэр болжээ.  Энэ нь түүний найз нөхдөөс гадна тоглолтын багийнханд нь ч мөн таалагдахгүй байгаа гэнэ. Харин Селена ганц өдөр ч болов хайртаасаа холдохыг хүссэнгүй. Бүсгүйн хувьд амрагийнхаа аялан тоглолтод хамт явахад бэлэн буйгаа ч мэдэгджээ. Гомесын төрөл төрөгсөд бүсгүйн сонголтод нэг их сэтгэл хангалуун бус байсан билээ.