Месси Хятадад зугаацлын парк байгуулна

Аргентины хөлбөмбөгийн үндэсний шигшээ баг болон Испанийн “Барселона” багийн довтлогч Лионель Месси 2019 онд Хятадад өөрийн нэрэмжит зугаацлын цэцэрлэгт хүрээлэн байгуулахаар төлөвлөж байна. Messi Experience Park хэмээх нэртэй энэхүү парк Хятадын төв хэсгийн Нанкин хотноо 80 мянган кв.м талбай дээр 20 гаруй тоглоомтой байгуулагдах тухай Agence France-Presse мэдээлжээ. Энэхүү төслийн гүйцэтгэгчээр Mediapro групп ажиллах бөгөөд Хятадын телевизийн Phoenix корпораци болон алдарт хөлбөмбөгчний менежментийн багтай хамтрах юм. Гүйцэтгэгч талын өгүүлснээр, паркийн нутаг дэвсгэр дээр хамгийн орчин үеийн хөдөлгөөнт тоглоомууд, спортын барилга байгууламж баригдах бөгөөд тэнд ирсэн хүмүүс “Мессигийн хязгааргүй орон зайд” чөлөөтэй зугаалах боломжтой гэжээ.

PAPARATSI.MN