МУГЖ Т.Баясгалан гоо сайхандаа яаж өөрчлөлт оруулав

Арваад жилийн өмнө нийтийн дууны урлагт хамтран зүтгэгч С.Жавхлантайгаа цуг цахиур хагалж явсан Т.Баясгалан өдгөө гавьяат жүжигчин цол хүртэж, гурван ч хүүхдийн ээж болсон. Арлын орныг шуугиулсан кёкүшюзан Д.Батбаярыг эхнэр, хүүхдүүдээс нь салгаж, өөрийн амьдралыг зохиосон эрхэм гавьяат маань нөхрөөсөө хувийн эмнэлэг, телевиз, зочид буудал гээд л хэний ч санаанд оромгүй нүнжигтэй бэлэг авдаг “хобби”-той. Бизнесийн салбарт амжилттай яваа гэх дуучин бүсгүй “Амьдрал надад хайртай болохоор сайхан ханьтай учруулна” гэж бардам хэлдэг байсан нь ч учиртай аж.

Эхнэр, хоёр хүүхдээ орхиод ирсэн Д.Батбаярыг урвуулан ажил, амьдралаа “баталгаажуулсан” тэрбээр элдвийн хэл амыг ч үл тоож бурхан шашны дуу дуулан төрсөн эх болон хадам ээжийгээ клипэнд нь тоглуулсан түүхтэй. Мөн сайн чанарын кино концерт хийж, ардын дуугаар фэнүүддээ бэлэг барьсан. Дуучин Баясгалан сэтгүүлд ярилцлага өгөхдөө “Би хамар, уруулынхаа гелийг авахуулсан. Хүний биед хортой, сөрөг нөлөө ихтэй тул эрүүл мэндээ бодож байна” гэж байсан ч худал бололтой. Түүнтэй таарсан хүмүүс хамраа өндөрсгөж, уруулаа томруулсан байгааг нь шууд л мэдэгдэж байна хэмээн жиг жуг ярилцаад амжжээ. Хотын ганган хүүхнүүдийн тоонд зүй ёсоор тооцогддог эрхэм гавьяат маань хиймэл эрхтэндээ их л “хайртай” бололтой. 

PAPARATSI.MN