Дуучин Ану уран бүтээлдээ эргэн орно

Өөрийн гэсэн өвөрмөц төрхөөрөө нэг хэсэг олны анхаарлыг татсан охидын хамтлаг бол ГАЛА билээ. Өнгө өнгийн үс, хувцаслалт нь аргагүй л содон сонирхолтой байсан. Нэлээдгүй хугацаанд уран бүтээлээ фэнүүддээ хүргэж байсан ч Гала хамтлаг тарсан. Түүнээс хойш олон нийтийн амнаас гараагүй мартагдаагүй гишүүн бол Ану буюу Уранхолбоо билээ. Уран бүтээл гэхээсээ илүүтэй гоо сайхан, биеэ авч явах байдлаараа олны дунд алдартай нэгэн гэдгийг мэдэх биз. Аль хэдийнэ 3 хөөрхөн охины ээж болсон түүнийг хүмүүс хүүхдээ өөрөө тээж төрүүлээгүй гэх яриа байнга л гардаг. Үүний хариу болгож дуучин бүсгүй жирэмсэн үеийн зургаа олонд дэлгэснээр энэ яриа дууссан. Энэ мэтчилэн олны хараанд өртөж байдаг бүсгүй уран бүтээлдээ эргэн орж байгаа бололтой. Тэрээр өөрийн цахим хуудаснаа шинэ уран бүтээлдээ зориулаад үсний өнгөө өөрчилчихсөн хэмээсэн байна. Ийнхүү дуучин бүсгүй сайн ээжийнхээ үүргийг түр хойш нь тавиад уран бүтээлдээ ханцуй шамлан орж фэнүүдээ баярлуулах гэж байна.      

PAPARATSI.MN