Сувилагчийн ширээнээс Азтай бадарчингийн тайз руу

Хошин урлагийн үе үеийн уран бүтээлч, шог зохиолч, зураач, элэглэгч, хошин урлагийн продакшн нэгэн тайзнаа чуулж, өөрсдийн сор болсон бүтээлүүдээ толилуулахын зэрэгцээ шилдгүүдээ тодруулдаг "Азтай бадарчин" Монголын хошин урлагийн их наадам ард түмэндээ эргэн ирсэн билээ. Тус наадамд үе үеийн акулууд хүрэлцэн ирсэний нэг нь жүжигчин С. Өлзийхүү байлаа. Тэрбээр 13 жилийн өмнө зохион байгуулагдсан тус наадмын Азтай бадарчин алтан цомын эзнээр тодорч байсан нь саяхан мэт санагдаж байна. Тэгвэл С.Өлзийхүү жүжигчин бус эмчийн мэргэжилийг сонгож байсан гэнэ.  С.Өлзийхүү 1985 онд нийслэлийн 24 дүгээр дунд сургуулийг төгсөөд АУДС-д элсэхээр уралдаант шалгалтад орсон боловч тэнцээгүй тул сувилагч мэргэжлийг сонгожээ. Тэрбээр 1987 онд АУДуС-ийг “онц” дүнтэй төгсөөд Клиникийн нэгдүгээр эмнэлгийн сэхээн амьдруулах тасагт гавьяат эмч Лхагважавын удирдлаган дор ажлын гараагаа эхэлжээ. Дуулж, хөгжимдөх авьяастай, урлаг, уран сайхны арга хэмжээнд оролцож явдаг залуухан сувилагч бүсгүй “Бүх ард түмний урлагийн наадам”-аас мөнгө, хүрэл медаль хүртэж байв. Түүнийг жүжигчний мэргэжил эзэмшихэд авьяасаас нь илүү дунд сургуулийн найз О.Энхтуулынх нь ятгалга нөлөөлсөн гэнэ шүү...

PAPARATSI.MN