Урлагтаа хүчин зүтгэсээр байгаа чимээгүй уран бүтээлчид

Монголын хөгжмийн урлагийг "Хурд" хамтлаггүйгээр төсөөлөх аргагүй билээ. Тэртээ 1987 онд анх үүсгэн байгуулагдсан цагаас эхлэн өнөөг хүртэл тасралтгүй уран бүтээлээ туурвисан тэдний олон гайхалтай бүтээлүүд нь Монгол түмний сэтгэл зүрхэнд хоногшин үлдэж одоо ч дурсамж бүрийг нь хөглөдөг биз ээ.

Урлагийн тайзнаасаа холдсон юм шиг чимээгүйхэн байдаг тэд гэгээн хайрын өдрөөр хосуудаа баярлуулахаа мартдагггүй. Энэ жил ч гэгээн хайрын баяраар тэдний тоглолт зохион байгуулагдсан. Тэгвэл тус хамтлагийнхан Австрали улсад ажиллаж, амьдарч буй фэнүүдэдээ хайрын өдрөөр тоглогдсон Чимээгүй ирэх дурлал хэмээх тоглолтоо хүргэхээр өнгөрөгч сарын сүүлээр аян замдаа морьдсон билээ. Тэгвэл Хурд хамтлагийнхан аялан тоглолтоо амжилттай дуусгаад эх орондоо иржээ. Хурд хамтлаг ирсэн даруйдаа  Гранд" уран бүтээлийн нэгдлийн дуучин, дууны үг зохиогч СТА П.Хэрлэн “Анд минь чамайг үгүйлэх юм” анхны бие даасан тоглолтонд уригдан оролцжээ. 

PAPARATSI.MN