Ц.Мөнх-Оргил: Энэ Засгийн Газрын бүрэн эрхийн хугацаанд Далай лам Монголд айлчлахгүй...

Ж.Энхбаяр: Засгийн Газар ийм үүрэг авах эрхгүй... Үндсэн хууль зөрчинө...

Далай лам Монгол Улсад айлчилсан явдал дотоодод талцал маргааныг бий болголоо. Засгийн Газар БНХАУ-ын өмнө хүлцэл өчин дахин айлчлал хийлгэхгүй гэдгээ амалсан нь хэр зөв шийдвэр байсан бол. Үнэхээр шашны айлчлал мөн л бол төр өмнөөс нь уучлал гуйх зөв байв уу? УИХ-ын гишүүн Ж.Энхбаяр, Ц.Даваасүрэн нар "Засгийн Газар уучлал гуйсан гэдэгт итгэхгүй байна" гэж мэдэгдлээ. Харин ЗГХЭГ-ын дарга Ж.Мөнхбат, Гадаад харилцааны сайд Ц.Мөнх-Оргил нар албан ёсоор баталлаа.