Сирид үндэстнээр нь хоморголон устгалт явагдаж байна

Сирийн Засгийн газар, ОХУ-ын нисэх хүчин хамтран Алеппо хотын зүүн хэсэгт өгч буй цохилт сүүлийн хэд хоногт үлэмж ширүүсчээ. Үүний улмаас энгийн иргэдийн амь нас олноороо үрэгдэж, үндэстнээр нь хоморглон устгалт буюу “геноцид” гэж тооцогдох хэмжээнд хүрээд байгаа аж. Иргэдэд үйлчлэх зорилготой “Цагаан дуулга” ТББ-ын тэргүүн Раед Салех гэгч “Франц пресс” агентлагт энэ талаар ярьсан байна.  

Босогчдын хяналтад буй Алеппо хотын зүүн хэсгийг Сирийн армийнхан бүсэлж, агаарын довтолгооноо үргэлжлүүлсээр байх аваас 250 мянган энгийн оршин суугч мөргөлдөөний бүсээс гарч, зугтах чадалгүй бүгд амиа алдаж магадгүй байгаа аж. “Тэнд байгаа иргэд боломж  гарвал хаашаа ч хамаагүй зугтахад бэлэн байгаа. Тэдэнд аюулгүй байдал, хамгаалалтын аль нь ч байхгүй. Иргэдийн ихэнх нь хүчирхийлүүлэх, олзлогдох, баривчлагдахаас айдаг” хэмээн Раед Салех өгүүлжээ.

Zindaa.MN