Төрийн айлчлал нэртэй зугаацал...
УИХ-ын дарга М.Энхболд ОХУ-ын Төрийн думын даргын урилгаар тус улсад 12-р сарын 14-16-ний өдрүүдэд төрийн айлчлал хийхээр мордлоо. Гэтэл айлчлалын бүрэлдэхүүнд УИХ-ын гишүүн, Байгаль орчин, аялал жуулчлалын сайд Д.Оюунхорол, Эрчим хүчний сайд П.Ганхүү, мөн УИХ-ын гишүүн Ж.Бат-Эрдэнэ, О.Содбилэг, Б.Наранхүү, Г.Мөнхцэцэг нар багтсан байна. Тэд ОХУ дахь айлчлалаа өндөрлүүлсний дараа залгаад шууд 12-р сарын 18-20-нд Арабын нэгдсэн Эмират улс, Саудын араб зэрэг орнуудад айлчлал хийнэ. Гэтэл энэхүү айлчлалын багт бизнесийн групп байхгүй, 2 тэрбум долларын зээл авах хүсэлтэй улстөрчид л багтжээ. УИХ-ын гишүүдийг дагуулж явах ер нь хэнд хэрэгтэй вэ? Хэмнэлт хаана байнаа? Эдгээр хүмүүс дангаар явахгүй, хамгаалалт, ажлын алба, хэвлэлийн групп, ГХЯ-ныхан гээд өргөн бүрэлдэхүүнтэй явж өгнө. Дагалдан явах бүрэлдэхүүн нь бараг 30-40 хүн болцон л байгаа байх.
За ер нь тэгээд айлчлалууд аймар хэрэггүй, огт шаардлагагүй олон хүнтэй байдаг. Хүлээн авч байгаа тал нь орчуулагчтайгаа үсрээл 4 хүн байхад манай төрийнхөн 20 бачка өрөөнд багтаж ядан орж ирнэ. Сэтгүүлчийн нүдээр төрийн айлчлал арай л юм үзээгүй хэмжээнд харагддаг. Ерөнхийлөгч, УИХ-ын дарга, Ерөнхий сайдаа даган очсон УИХ-ын гишүүд элчингийнхнийг дагуулаад дэлгүүр хэсээд алга болно. Хүн цөөнтэй элчин сайдын яамныхан нь зохион байгуулалтаа хийж чадалгүй уураа дотроо барна.
Жич: Хамгийн сүүлд Японд айлчилсан Ерөнхий сайдын айлчлалын багт огт хэрэгцээгүй 7-н УИХ-ын гишүүн явж харагдсан. "Эртхэн ажлаа дуусгаад дэлгүүр орцгооё" гэдэг тэдний томилолтын мөнгө татвар төлөгч биднийх шүү дээ.
УИХ-ын даргыг бизнесийнхэн дагаж явсан бол өөр
Эх сурвалж: Сэтгүүлч Н.Урантогтох
Монгол, Японы Засгийн газрууд Нөмрөгийн түймрийн дараах хүнд цаг үеийг хамтдаа даван туулахаар тогтов
Өвлийн монгол хэл бичгийн болон элсэлтийн шалгалтад хоёроос дээш хичээл сонгож бүртгүүлнэ
ОЛОН УЛСАД ХҮЛЭЭН ЗӨВШӨӨРӨГДСӨН ХАРААТ БУС, ХӨНДЛӨНГИЙН АУДИТЫН АЖИЛ ДУУСАЖ, ТАЛУУД ХАМТЫН АЖИЛЛАГААНЫ САНАМЖ БИЧГИЙН ХЭРЭГЖИЛТИЙГ БАТАЛГААЖУУЛЛАА
Шатахуун түгээх станцуудын үйл ажиллагаанд хяналт шалгалт үргэлжилж байна
Өнөөдөр ихэнх нутгаар бага зэрэг дулаарна
Багш, эмч нарын цалингийн хэлэлцээрт яаралтай өөрчлөлт оруулахыг Л.Энх-Амгалан, Э.Батшугар нарт даалгалаа
Чингэлтэй дүүргийн 149 дүгээр сургууль нүүрс түлдэггүй, ногоон сургууль боллоо