SELENA GOMEZ-г МООЖ хэмээн доромжилсон Монголын бүдүүлэг залуу

Өөрийгөө үнэхээрийн од болчлоо гээд бодсон, эсвэл бусдын хараанд өртөх гэж хэтэрхий их хичээдэг хүмүүс цөөнгүй байдаг болжээ. Чухамдаа бол олонд танигдсан хүмүүс бусдын хайр хүндэтгэлийг илүүд үзэн элдэв илүү дутуу үг болох од гэж цоллуулахаас ч эмээдэг шүү дээ. Тэгвэл нялх оддын хурган өвчин хааяа хааяахан сэдэрдэг бололтой. Энд тэндэхийн арга хэмжээний үеэр их л ганглан ирсэн яваа харагдах Баттөр гэгч энэ залуу тоглоом наргиа хийхдээ жаахан мэдрэмжгүй, бүдүүлэгдүү нэгэн бололтой.

Дэлхийн алдарт од Selelna Gomez-н хажууд Photoshop-оор эвлүүлсэн өөрийгөө хамт алхаж байгаа зургийг цахим хуудсандаа нийтлээд “Хэл амны бай болмооргүй байна, энэ бол миний хувийн амьдрал штээ. Битгий МООЖ охинтой явлаа гээрэй” гэсэн байх юм. Үүнийг харсан хэнбугай ч оюун санааны хувьд эрүүл хүн үүнийг бичжээ гэсэн дүгнэлт өгөхөөргүй байлтай. Дэлхийн хэмжээний үзэсгэлэнтэй, авьяастай бүсгүйг ийнхүү доромжилсных нь хариуд бичсэн хүмүүсийн сэтгэгдлийн хариуд “Хөдөөнийхөн яг ингэж тэнэгтэнэ гэж мэдсэн юм аа” хэмээн бас нэгэн бүдүүлэг үгсийг чулуудан суугаа Баттөр гэгч залууг ганц нэг рекламд тоглосон гэдгээр нь хүмүүс зурвасхан хараад өнгөрсөн байж магадгүй л юм.

Харин энэ үйлдлийнх нь хувьд бол өөрийгөө Selelna  Gomez хэмээх жинхэнэ дэлхийн хэмжээний одтой эн зэрэгцүүлэн тавьж, МООЖ буюу “янхан, явдалтай” гэсэн утгыг агуулдаг үгээр илэрхийлсэн нь тийм ч таатай харагдсангүй. Саваагүй нохой саранд хуцна гэгчээр үеийнхэн дундаа үлгэр дуурайлал үзүүлэх ёстой залуус иймэрхүү “жаяг”-тай байвал хэцүүхэн л байна даа. Амьдарч байгаа орчин, өөрийнхөө хэмжээнд тааруулж үг хэл, үйлдэлээ илэрхийлэх нь соёлч залуусын төлөвшил байлтай.