“Хар сарнай”-н С.Амармандах: Намайг гэмтээсэн хүн эр хүн шиг ирээд уучлалт гуйгаасай...

“Хар сарнай” хамтлагийн дуучин С.Амармандах одоог хүртэл гэмтлийн эмнэлэгт хэвтэн эмчлүүлж байгаа. Хэрэг гарсан өдрөөс хойш 20-оод хоног эмч нарын хяналтан дор биеэ тэнхрүүлж байгаа Амраа өнөөдөр эмчлүүлж байгаа тасгийнхаа өрөөнөөс хэвлэл мэдээллэлд мэдээлэл өгсөн. Түүний хувьд зөвхөн өөрийнх нь хэргээс болж Монгол, Орос ахан дүүсийн хоорон дах харилцаанд ан цав битгий суугаасай хэмээн ярьсан бөгөөд түүний биед гэмтэл учруулсан Оросын иргэнийг өөртэй нь биечлэн уулзаж, зохих асуудлаа шийдээсэй хэмээн хүсч байгаагаа илэрхийлжээ.

Түүний аав болох С.Сүхбаатар болон, урлагийн найз нөхөд  нь өмнөх долоо хоногт хийсэн хэвлэлийн бага хурлынхаа үеэр “Амраагийн царайг танихад тун хэцүү байна, маш хүнд гэмтсэн” хэмээж байсан бол өнөөдөр түүний хувьд хэвийн байдалдаа бага багаар орж байгаа нь харагдаж байсан юм.

Бие биенээ муулж, үзэн ядалгүй, гүтгэн доромжлолгүй бие биенээ хайрлая гэсэн өөрийн санаа бодлоо цөөн үгээр илэрхийлсэн түүнийг яриаг сонссон үзэгч, уншигч та бүхэн өөрсдийн оюун санаагаар таалан болгоох биз ээ.