Э:Дагиймаа: Энэ мэдээлэл худал

"Нийслэлийн удирдлагууд төсөв батлагдсаны баяр хийсэн" тухай мэдээлэл өнөөдөр сошиал орчинд хүчтэй яригдаад байна. Энэ талаар хүмүүс фэйсбүүк хуудсандаа "Төсөв батлагдсаны баяр гэнээ", "Манай Су ах ч хаширдаггүй хар толгой шүү. Жаргалтай Улаанбаатарынх нь юу нь дуусаагүй байхад нийслэлийн төсөв батлагдлаа гээд дахиад нэг парти гэнэ үү. Улс ч мөнгөтэй л байгаа юм байна даа" гэх мэтчилэнгээр статус нийтэлж, баярын урилгын зургийг бас хамт хавсаргасан байх аж. Тэгвэл энэ мэдээлэл хэр бодитой эсэх талаар Нийслэлийн Хэвлэл мэдээллийн албаны дарга Э.Дагиймаагаас тодруулахад,"Тийм юм байхгүй. Энэ мэдээлэл худал" гэсэн тайлбарыг өглөө. Иймээс цахим сүлжээгээр тархаад байгаа баярын урилга гээч хуурамч болох нь тодорхой боллоо. 

Эх сурвалж: Criminal.mn