Жүжигчин Д.Оюунтуул Ц.Алдармаагаас авсан мөнгөөр нүүрэндээ “засвар” хийв үү

Хоёр жил гаруйн өмнөхөн “Шинэ үе” продакшины жүжигчин бүсгүйчүүд хөдөө орон нутагт аялан тоглолтоор явж байхдаа бие биеэ халуун усаар шалзлах дөхсөн хачирхалтай хэрэг гарсан. Шүүх цагдаагийн хаалга хэдэнтээ татсаны эцэст жүжигчин Ц.Алдармаа долоон жилийн ял авахаас мултарч, хуурай эгч гэгдэх жүжигчин Д.Оюунтуулд эмчилгээний мөнгө өгснөөр энэ хэрэг шуударсан билээ.

Хэн, хэн нь хэсэг хугацаанд нам гүм байсны эцэст жүжигчин Ц.Алдармаа “Цензургүй яриа” нэвтрүүлэгт ярилцлага өгсний дараа жүжигчин Д.Оюунтуул түүнтэй хэвлэлээр “дайтаж” эхэлсэн. Өөрөөс нь өдийг хүртэл уучлалт гуйгаагүй мөртлөө худал ярьж, бүр БНСУ-д таван удаа эмчлүүлэхэд ганц л удаа мөнгө өгснийг нь илчилнэ хэмээн бухимдсан Д.Оюунтуул төд удалгүй уран бүтээлдээ эргэн орж, улмаар “Шинэ үе” продакшиндаа дахин харьяалагдах болсон.

Харин жүжигчин Ц.Алдармаа цөөн хэдэн кинонд тоглосноос өөр зүйлгүй, олны нүднээс далдхан яваа бол түүний найз нөхөд нь жүжигчин Д.Оюунтуулыг газар доогуур ортол нь муулж суудаг гэнэ шүү. Тухайлбал жүжигчин бүсгүй Ц.Алдармаагаас авсан эмчилгээний мөнгөөрөө гоо сайхны хагалгаа хийлгэсэн төдийгүй нүд, хамрынхаа хэлбэрийг хүртэл өөрчлүүлсэн юм байх. Хүзүүнийхээ дор аяганы ёроолын чинээ том улаан сорвитой үлдсэн гэдгээ нуудаггүй жүжигчинн Д.Оюунтуул ч энэ бүхнийг үгүйсгэж, ам нээсэн удаагүй юм байна.

www.zone.mn