Ноён Бондгорын эхнэр Бондгорыгоо өмөөрчээ

Ноён Бондгор “Би бондгор биш” нэртэй шинэхэн цомгоо өлгийдөн авчээ. Хэдхэн хоногийн өмнө л “Самандын Жавхлан” нэртэй дуу гарган амь нэгтэй гэгдэх Жавхлан ахыгаа өмөөрч байсан тэрбээр ер нь цомог, дууныхаа нэрийг бусад уран бүтээлчдээс ялгарахаар өвөрмөц гэгч нь өгдөг болжээ. Түүний эхнэр Б.Золзаяа нь нөхрийнхөө эсрэг ирсэн эвгүй сэтгэгдлүүдэд хариуг нь цаг алдалгүй барьчихдаг. Энэ удаад ч мөн нөхрийг нь ам барин дуулдаг гэснийх нь хариуд:

“Манай залуучууд нээрээ шинэ дуу, шинэ клип гарахаар ч ингэж үздэггүй юм байж ХҮНИЙ МУУД үнэхээр дуртай юмаа. 30, 40 мянгаараа үзээд, 200, 300-аараа Share хийгээд л инээд хүрмээр, өрөвдмөөр ч юм шиг...Дандаа юм хийж яваа нэгнээ МУУЛНА, ГООЧИЛНО, элдвээр хэлнэ. Монголын залуучууд ядаж ийм ХОГИЙН сэтгэлгээнээсээ салмаар юм. Микрофон унаж байгаа нэг бичлэг нэтээр яваад л, олон хүний дургүйцлийг хүргээд байх шиг байна. Уг нь клипны л зураг авалт шүү дээ. Юм хийж яваа нэгэндээ урам өгч чаддаггүй юмаа гэхэд дуугүй байж сурмаар юм. ХҮНИЙ ЛААГ УНТРААЛАА ГЭЭД ТАНЫ ЛАА ТОД ГЭРЭЛТЭХГҮЙ” хэмээн бухимдаад авсан байна.

PAPARATSI.MN