“Хар сарнай”-н Амарааг ОХУ-н Дипломат ажилтан сэхээнд ортол нь зодсон уу?

“Хар сарнай” хамтлагийн ахлагч, дуучин Амараа гадаадын иргэнд сэхээнд ортлоо зодуулсан тухай мэдээлэл хэвлэл мэдээллээр цацагдах боллоо. Үүнийг тодруулвал Хан Уул дүүргийн нутаг дэвсгэрт байрлах  Home Plaza худалдааны төвийн One Event Hall-д уг үйлд явдал болсон гэнэ. Арваннэгдүгээр сарын 23-нд 19:00 цагийн үед НЗДТГ-аас зохион байгуулсан “Жаргалтай Улаанбаатар” цэнгүүнд ая дуугаа өргөсөн Амарааг One Event Hall-аас гарч явах үед нь ОХУ-ын дипломат төлөөлөгч А.С араас нь нэхэн гүйн ирж архины шилээр толгойн тус газарт нь цохин унагасан байна.

Түүгээр ч барахгүй ухаан алдан газарт унасан түүний дээр сандайлж суугаад нүүр рүү нь маш хүчтэйгээр балбаж байхад нь  One Event Hall-н хамгаалагчид ирж болиулсан тухай мэдээлэл гарчээ. Биеийн байдал нь маш хүнд байгаа дуучин Амараа ГССҮТ-д хэвтэн эмчлүүлж байгаа гэнэ. Чухам ямар учир шалтгааны улмаас ийнхүү хэрэг гарахад хүрсэн нь одоогоор тодорхойгүй байгаа бөгөөд хэрэгтэн А.С нь гадуур сул чөлөөтэй явж байгаа нь бидний хүндлэн дээдэлдэг Орос ахан дүүсийн энэ мэт эвгүй үйлдэл ард иргэдийн маань чихэнд тийм ч таатай хүрэхгүй л байх даа.

PAPARATSI.MN