Шуурхай мэдээ: Н.Алтанхуягийн дүүг хоёр сар хорихоор шийдвэрлэлээ

Ерөнхий сайд асан Н.Алтанхуягийн хамгийн бага дүү Н.Наранцэцэгийг АТГ-аас баривчилж, ШШГЕГ-ын харьяа цагдан хорих 461 дүгээр ангид саатуулж байсан. Өнгөрсөн хугацаанд түүнийг сэжигтнээр тооцон шалгаж байсан юм. Тэгвэл өнөөдөр түүнийг суллах эсэх шүүх хурал болж, улмаар яллагдагчаар татан дахин хоёр сар хорихоор болжээ.

Н.Наранцэцэгийг албан тушаалаа урвуулан ашигласан хэмээн үзэж Эрүүгийн хуулийн 150, 263-т зааснаар эрүүгийн хэрэг үүсгэн шалгаж байгаа юм.

Ерөнхий сайд асан Н.Алтанхуягийн эхнэр Э.Сэлэнгэд ч мөн энэ сарын 5-нд хилийн хориг тавьсан.

Энэхүү үйлдлүүд нь Ерөнхий сайд асан Н.Алтанхуяг Ерөнхийлөгчид нэр дэвшихээ зарласнаас болсон гэж тэд үзэж байна.

С.Баяр

Эх сурвалж: Breakingnews.mn