Доналд Трамп 2-3 сая цагаачийг хөөж гаргахаа мэдэгджээ

AHУ-ын 45 дахь Ерөнхийлөгчөөр сонгогдоод буй Доналд Трамп энэ сарын 11-нд “The 60minutes” ярилцлагын нэвтрүүлэгт оролцох үеэрээ ажлаа хүлээж авсныхаа дараа 2-3 сая цагаачийг хөөж гаргахаа мэдэгджээ.

Тэрээр “Гэмт хэрэгтэн, гэмт хэрэгт холбогдож байсан, гэмт хэргийн бүлэглэлийн гишүүн, хар тамхины наймаачин зэрэг 2-3 сая хүнийг хөөж гаргах, эсвэл баривчилж хорих арга хэмжээ авна” хэмээв.

Мөн бусад цагаачдыг хэрэг болох, болохгүйгээр нь ангилж дараа нь яахаа шийдвэрлэнэ хэмээсэн юм. Хэрэв Доналд Трамп цагаачдыг гаргах ажлаа хийж эхлүүлбэл АНУ-ын хөдөлмөрийн зах зээл том савалгаанд орох нь дамжиггүй.

Гэхдээ өмнөх Ерөнхийлөгч Барак Обама 2009-2013 оны хугацаанд 2,5 сая цагаачийг нутгаасаа хөөж гаргаж байжээ.

www.zindaa.mn