Долларын ханш 2560 төгрөгтэй тэнцлээ

Монголбанкны өнөөдрийн зарласан ханшаар нэг ам.доллар 2428 төгрөг 08 мөнгөтэй тэнцэж байгаа тухай бид өмнө мэдээлсэн. Хоёрхон цагийн өмнө “Найман шарга” валют арилжааны төвд нэг ам.долларыг 2476 төгрөгөөр худалдан авч 2485 төгрөгөөр арилжиж байсан бол яг одоо тус зах дээр нэг ам.долларыг 2535 төгрөгөөр худалдан авч 2560 төгрөгт худалдаалж байна.

Харин арилжааны банкуудад ам.долларыг 2420-2475 төгрөгөөр худалдан авч, 2446-2485 төгрөгөөр арилжиж байна.  Мөн “Номин карт” ББСБ 2475 төгрөгөөр авч, 2.495 төгрөгөөр арилжиж байна. Ийнхүү ам.долларын ханш нэг хоногт 100 орчим гаруйн төгрөгөөр өслөө.

Б.ГЭРЭЛ