Драмын Одноо “хэцүүхэн ааштай” юу?

Боловсрол  суваг телевизээр цацагдаж буй “Гэрлэн дохио” инээдмийн олон ангит киног уншигч та ч бас үздэг байх. Энэхүү кинонд “ТВ коктейль” хамтлагийн А.Өнөржаргал буюу Өөскөгийн эхнэрийн дүрд тоглосон УДЭТ-н жүжигчин Б.Одончимэг “Аз жаргалын шок”, “247 градус” зэрэг кинонуудад ууртай, бухимдуу, хурц ааштай бүсгүйн дүрийг бүтээдэг.

Ер нь л нэг тийм наалинхай бус, эршүүд дүр ноогдоод байдаг Одноо “Гэрлэн дохио” олон ангит кинонд мөн л урьд урьдын дүрээрээ тоглосон учраас үзэгчид түүнийг амьдрал дээрээ ч бас нилээд “хэцүүхэн ааштай” хүүхэн байх даа гэж хүлээж авах болсон. Тэгвэл жүжигчин бүсгүй хэвлэл мэдээллийн хэрэгсэлд өгсөн ярилцлагадаа “Хүмүүс намайг чи их ааштай юу гэж асуудаг, мэдээж би амьдрал дээрээ тийм хүн биш шүү дээ” хэмээн олонхын бодолд няцаалт хийсэн байна. Урлаг хүнээс энэ байтугай л золиос шаардана шүү дээ...

ЗОЛ

PAPARATSI.MN