Мэдлэг хомс мисст Монголууд сэтгэл дундуур байна

“Face of beauty  international” олон улсын гоо бүсгүй шалгаруулах миссийн тэмцээн эх оронд маань зохион байгуулагдаж өнгөрсөн. Уг тэмцэээнд дэлхийн 60 гаруй орноос ирсэн үзэсгэлэнт бүсгүйчүүд өрсөлдсөн. Тэмцээний эцсийн дүнд ОХУ-аас ирж оролцсон гоо бүсгүй болох Алена Раева тэргүүн байрт шалгарсан бөгөөд, хоёрдугаар байрт Зимбабве улсын мисс Брандина Лубули, гуравдугаар байрт Филиппиний мисс Принсес Ромас нар шалгарчээ.

Манай орны хувьд эх орноо төлөөлөн Э.Урангоо хэмээх бүсгүй титмийн төлөө өрсөлдсөн. Түүнийг шүүгчдийн асуултанд маш тааруухан хариулж, мэдлэг хомс гэдгээ харууллаа гэх сэтгэгдлүүд ар араасаа хөвөрч, “Миссүүдийн толгой хоосон” гэсэн тодотголыг дахин сөхөн гаргаж ирлээ. Манай үзэсгэлэн гоо бүсгүйчүүд сүүлийн үед мэдлэг боловсролдоо түлхүү анхаарч, гаднах төрхөөрөө ч, толгой доторх мэдлэгээрээ ч хэнээс ч дутахааргүй боловсорч байгаа. Харин энэ удаагийн нэр хүндтэй тэмцээнд “мэдлэг хомс мисс” орууллаа хэмээн олны сэтгэл дундуур байна.

Эх орныхоо хөрсөн дээр болж байгаа тэмцээнд ийнхүү дөрөвдүгээр байрт орсон Э.Урангоог “UBS” телевизийн “Universe best songs” тэмцээний шилдэг оролцогчдын нэг болж байсан гэдгээр нь хүмүүс мэдэх биз ээ. 

JUNE

PAPARATSI.MN