Хөгжлийн банкны гүйцэтгэх захирал асан Н.Мөнхбатыг өчигдөр орой Авлигатай тэмцэх газар /АТГ/ шүүхийн шийдвэрээр баривчилж, хорих 461 дүгээр ангид саатуулсан байна. Түүнийг Эрүүгийн хуулийн 150 дугаар зүйл, 153, 265.2 дугаар зүйл ангид зааснаар буюу албан тушаалтан эрх мэдлээ урвуулан ашиглаж, бусдын эд хөрөнгийг завшин, үрэгдүүлсэн болоод бусдын эд хөрөнгийг болгоомжгүйгээр үрэгдүүлсэн гэж хуулийнхан үзэж, ийнхүү цагдан хорьсон тухай эх сурвалж мэдээллээ.

АТГ-аас Хөгжлийн банкны гүйцэтгэх захирал асан Н.Мөнхбат нарыг албан тушаалаа ашиглаж, төсвийн мөнгийг үрэгдүүлсэн хэрэгт буруутгаж, эрүүгийн хэргийг нь нэгтгэсэн тухай бид өмнө нь мэдээлсэн билээ. Хөгжлийн банкны захирал асан Н.Мөнхбатыг зарим албан хаагчдынх нь хамт АТГ-аас сэжигтнээр татаж, гадуур байцааж байсан юм.

News.MN