Алуурчны амнаас гарсан үг: Ээж ээ, намайг уучлаарай

Нийгмийг цочроосон аймшигт хэрэг... Долоохон настай хүүгийн хоолойг боомилон үхэлд хүргэсэн онц ноцтой үйлдэл бүтэн сарын турш Монгол хүн болгоны зүрхэнд шигдэж, нулимсыг мэлтэлзүүлсэн. Тэгвэл уг хэргийг үйлдсэн иргэн Сэлэнгэ болон түүний захиалгаар хүүгийн хоолойг утасны цэнэглэгчээр  боомилсон төрсөн эгч дүүсийн хүүхэд болох Барсболд (өмнө нь хулгайн давтан хэргээр хоёр жилийн тэнсэн харгалзах ялтай байсан) нарын этгээдүүд “Төрсөн эгч дүүгийн хүүхдүүд болох Сэлэнгээс 200 мянган төгрөг аваагүй, хэргийг үйлдсэний дараа өгнө гэж байсан боловч өгөөгүй” хэмээн мэдүүлэг өгчээ.

Одоогийн байдлаар хэрэг мөрдөн байцаалтын шатанд явж байгаа бөгөөд тодорхой байцаан шийтгэх ажиллагаа явагдаж байна гэсэн мэдээллийг сэжигтэн Барсболдын өмгөөлөгч, Дорнод аймгийн өмгөөлөгчдийн зөвлөлийн гишүүн Ө.Батболд мэдээлжээ. Арван найман насны босгыг алхаж яваа, захиалгаар бяцхан хүүгийн амь насанд хүрсэн гэх Барсболд “Ээж ээ, намайг уучлаарай” хэмээн хүйтэн торны цаанаас нулимс урсгаж сууна. Чухам хэний нулимс урсаж, хэний бие сэтгэл насаараа тарчлаан дунд үлдэж хоцорч байгааг бузар хэрэгтнүүдийн нулимс гэрчлэхгүй биз ээ. 

JUNE

PAPARATSI.MN