”УИХ-ын гишүүн Б.Батзориг намайг үхэл рүү түлхлээ”

Баянзүрх дүүргийн 20-р хорооны хэсэг иргэд өнгөрсөн сарын 05-нд УИХ-ын гишүүн Б.Батзоригийг шалгуулахаар АТГ болон цагдаагийн байгууллагад хандах болсон талаараа мэдэгдэн, түүнийг эсэргүүцсэн 100 гаруй иргэний гарын үсэг бүхий бичгийг УИХ-ын дарга М.Энхболдод хүргүүлсэн. Учир нь УИХ-ын гишүүн Б.Батзориг 2008-2012 онд Баянзүрх дүүргийн Засаг даргаар ажиллаж байхдаа тухайн дүүргийнхээ зарим иргэдийн өмчлөхийг хүссэн 0.07 га газрыг "өмчлүүлэх боломжгүй" гэсэн атал өөрийн танил талдаа олгосон, зарим иргэнд давхардуулж олгож бусдын газрын хэмжээг багасгасан гэх мэдээллийг тухайн иргэд өгч буй юм.

Түүнчлэн энэ асуудлыг шийдэж өгөхгүй бол "амиа хорлоно" гэж байсан билээ. Тэгвэл тухайн иргэдийн төлөөлөл өнөөдөр Ордоны баруун хаалган дээр эсэргүүцлээ илэрхийлэн "эрүүл мэндээ хохирооно" гэх үйлдэл хийж байна.