Сайд асан М.Зоригт сүнстэй хамт зургаа авахуулжээ

УИХ-ын гишүүн асан М.Зоригт энэ намаржингаа хөдөө гадаа яваад байгаа бололтой, тиймэрхүү маркийн зургууд түүний сошл хуудсаар элбэг үзэгдэж байгаа билээ. Нэг хэсэг хадлан дээр байна хэмээн баахан зураг постолж байсан бөгөөд сүүлдээ тэр нь кино зураг авалт хийж байсан сураг гараад эхэлсэн. Ямартай ч, "Шүүдэр дундуур" хэмээх МУСК мөдхөн дэлгэцнээ гарна гэх рекламыг сошл хуудсаараа өөрөө их идэвхтэй цацаад байна лээ. 

Саяхан тэрээр Сэлэнгийн Хүдэрт очин Л.Цандэлэгийг эргэхдээ авахуулсан зураг нь олон нийтийн сүлжээнд нэлээн тааврыг төрүүлж байгаа бололтой.

Хэрэв энэ зураг ямар нэгэн фотошоп эвлүүлэг биш бол үнэхээр сонирхолтой санагдахаар байна. Тэдний захад байгаа нэгэн үл мэдэгдэх хүний дүрсийг хүмүүс янз бүрээр л таамаглаж байгаа бололтой...

Эх сурвалж: ZONE.MN