Хийлч О.Байгалийн хувийн бизнес

Дан ганц хийлээрээ дагнаж олонд танигдсан манай цөөхөн хийлчдийн нэг О.Байгалийг тун ч бизнес сэтгэлгээтэй нэгэн гэдэг. Тиймдээ ч 18 настайдаа “Топ Кристал” компанийг байгуулж байсан гэдэг. Харин өдгөө өөрөө Сингапур улсад суралцаж, давхар уран бүтээлээ ч амжуулж яваа болохоор төрсөн дүүдээ бизнесээ даатгасан гэх юм билээ. Мөн тэрбээр Дорноговь аймагт зочид буудал ажиллалуулдаг гэх бөгөөд аймагтаа өндөр зэрэглэлд багтдаг гэсэн шүү.

Бизнес эрхлэгчийнхээ хүрээнд ч тэрбээр Олон улсын эмэгтэйчүүдийн худалдаа аж үйлдвэрийн танхим хэмээх байгууллагын гишүүн аж. Энэ байгууллага нь олон улсад бизнес эрхэлж буй байгууллагуудыг хооронд холбон зуучилж, дэмждэг байгууллага аж. Удахгүй тэнд бизнес эрхлэгч эмэгтэйчүүдийн чуулга уулзалтад оролцох гэж байгаа гэх бөгөөд эх орондоо ч тус байгууллагын салбарыг нээн, ажиллуулахыг зорьж буй гэсэн шүү.