Ажилдаа ирдэггүй гишүүдийг ”ажилд нь урьж залсан” мессежид 1,5 сая төгрөг зарцуулжээ

Биднийг ажилдаа ир гэж хэн ч мессеж бичихгүй. Ажилдаа очихгүй бол дараагийн хүн нь бэлэн байдаг, тийм л нийгэм. Гэтэл бидний итгэл сэтгэлээр гарч ирсэн УИХ-ын гишүүд ажилдаа очихгүй тохиодолд, бидний мөнгөөр тэдэн рүү мессеж бичиж дууддаг аж. 

2016 оны наймдугаар сарын 24-ний өдөр УИХ-ын Тамгын газрын Ерөнхий нарийн бичгийн дарга Ц.Цолмон зардал гаргах тухай 524 тоот захирамж гаргасан. Уг захирамжид “...УИХ-ын Тамгын газраас УИХ-ын гишүүдэд хуралдааны зар болон мэдээлэл хүргэх зорилгоор тусгай дугаараас мессэж илгээх үйлчилгээний төлбөр 1.449.000 (нэг сая дөрвөн зуун дөчин есөн мянга) төгрөгийг 2016 оны урсгал төсвийн зохих зардлаас гаргаж, “Мобиком корпораци” ХХК-тай гэрээ байгуулж, хэрэгжилтэд нь хяналт тавьж ажиллахыг Захиргаа, нийтлэг үйлчилгээний хэлтэст даалгасугай” гэжээ.

Эх сурвалж:Amjilt.COM