“MT Беонси долоон шагнал хүртлээ

Дэлхийн хөгжмийн ертөнцийн шилдгүүдийг тодруулах “MTV Video Music Awards 2016” наадам Нью-Йорк хотод болж өндөрлөлөө. Энэ удаагийн наадам дуучин Беонсигийн “наадам” болж тэрбээр нийт есөн төрөлд нэр дэвшсэнээс долоон шагналын эзэн боллоо. Түүний "Formation" дууны клип нь "Оны шилдэг видео клип", "Шилдэг зураг авалт", "Шилдэг найруулга", "Шилдэг эвлүүлэг", "Шилдэг бүжиг дэглэлт" гэсэн таван шагнал хүртсэн байна. Мөн "Lemonade" видео нь "Шилдэг үргэлжилсэн зохиолтой видео" төрөлд тэргүүлж, "Hold Up" дуу нь "Шилдэг эмэгтэй видео клип"-ээр шалгарчээ. Харин наадмын "Шилдэг эрэгтэй видео клип"-ээр Кэлвин Харрисын "This Is What You Came For" дуу шалгарсан бол "Шилдэг хип хоп видео клип"-ээр Дрейкийн "Hotline Bling" тодорсон байна.