П.Тэмүүжинд “2020 УБА” дугаартай ”Приус-30” машин бэлэглэлээ

Энэ удаагийн зуны олимпод манай улс 43 тамирчнаа илгээсэн нь хамгийн олон тамирчин оролцуулсан "Москва-1980" олимпийнхыг давтсан үйл явдал болсон билээ. Харин Риогийн олимпод түүхэндээ  анх удаа таеквондогийн төрлөөр олимпийн наадмын эрх авсан. Уг эрхийг улсдаа авчирсан 19 настай П.Тэмүүжин олимпийн наадамд анх удаа оролцохдоо шөвгийн наймд шалгарсан амжилтыг үзүүлсэн. Тэрбээр шөвгийн наймд үлдэх тулаанаа дэлхийн чансааны гуравдугаарт бичигддэг Мексикийн тамирчныг тэмцээний цаг дуусахын өмнөхөн ялж, шуугиан тарьсан юм.

Монголын таеквондогийн холбоо уг төрөлд эх орныхоо нэрийг гаргаж, улсаа төлөөлөн олимпод оролцсон П.Тэмүүжинг хүлээн авч уулзаж, "Приус-30" маркийн автомашин бэлэглэсэн байна. Мөн 2020 онд болох Токиогийн олимпод амжилт үзүүлэхийг бэлгэдэн “2020 УБА”  улсын дугаарыг машинд нь авчээ.