ОХУ-ын ерөнхийлөгч В.Путин тамирчиддаа шагнал гардууллаа

ОХУ-ын ерөнхийлөгч В.Путин өчигдөр Кремльд "Рио 2016" олимпын наадамд оролцсон баг тамирчдаа хүлээн авлаа. ОХУ-ын Засгийн газраас медаль авсан тамирчиддаа BMW машин бэлэглэхээр болсон бөгөөд нийт 107 тамирчин, дасгалжуулагч нарт энэ машины түлхүүрийг гардуулсан байна. Ерөнхийлөгч В.Путин Риод өрсөлдсөн тамирчиддаа халуун баяр хүргээд "Хэдийгээр /WADA/ дэлхийн допингийн эсрэг агентлаг биднийг олимпод оролцуулахгүй байхыг хичээсэн ч бид чадлаа. Улс төрийн шалтгаантай энэ дайнд та бүхэн ялагч нь байлаа. Та бүхэнд баяр хүргэе " хэмээсэн байна. Тус улсын Засгийн газраас Алтан медальтан Х6, мөнгөн медальтанд Х5, хүрэл медальтанд Х3 загвар бэлэглэсэн байна.  

ОХУ-ын тамирчид нэгдсэн дүнгээр дөрөвдүгээрт эрэмбэлэгдэж нийт 56 медаль хүртсэн ба 19  алт, 18 мөнгө, 19 хүрэл авчээ.  Мөн Алтан медаль дөрвөн сая рубль, мөнгө 2.5 сая, хүрэл ме­даль хүртсэн тамирчдад 1.7 сая рубль олгожээ.

Эх сурвалж: Zaluu.com