Медалийн үзүүрийн атгаад алдсан Г.Мандахнаран хэзээд гандан буурахгүй

Хүрэл медалийн төлөөх барилдааны сүүлчийн хэдэн секундад Г.Мандахнаран  тойрч зугтаж, өрсөлдөгчөө үл хүндэтгэн дүрэм зөрчсөн учир  тэмцээнийг орхисон хэмээн үзэж, өрсөлдөгч Ихтиёр Наврузовд нэг оноог өгснөөр хүрэл медалийнхаа үзүүрээс атгаад алдсан.  

Гэвч энэ байдалд уурласан Г.Мандахнарангийн хоёр дасгалжуулагч бүх хувцсаа тайлж шидэж эхэлсэн бөгөөд тэдний нэг нь өмдөө хүртэл тайлж, дотуур хувцастайгаа үлдсэн байв. Харин үүний дараа тэднийг хамгаалалтынхан дэвжээнээс буулгасан. Тэдний нэг дасгалжуулагч Б.Баяраа “Үүнийг эсэргүүцэж байна.

Шүүлт асуудалтай байлаа. Мандахнаран 7:6 харьцаатайгаар ялчихаад байхад өрсөлдөгч тамирчинд ялалт өгчихлөө. Тэд сүүлийн оноог өгсөн нь ч чөлөөт бөхийн түүхэнд анхны тохиолдол. Шүүгчид шударга байсангүй. Тэд Узбекистанд үйлчилсэн. Гурван сая монголчууд зөвхөн энэ хүрэл медалийг хүлээж байлаа. Гэвч медалиа булаалгачихлаа. Үзэгчид 100 хувь бидний талд байсан” хэмээн хэвлэлийнхэнд ярьж, эсэргүүцлээ илэрхийлсэн байсан билээ. Тэгвэл өнөөдөр Г.Мандахнаран эх орондоо ирсэн бөгөөд онцгоцны буудал дээр түүнийг нутгийн зон олон болон гэр бүлийнхэн нь угтан авч их хүндэтгэл үзүүлсэн юм. 

Э.Нашка