Реппер “Gee” өссөн гэр хорооллоо танилцуулжээ

“G хороолол”, “Хужаа” зэрэг олон уран бүтээлээрээ фэнүүдийнхээ хайр хүндэтгэлийг хүлээсэн “Монгол реппер” Gee өөрийн өссөн орчноо танилцуулжээ.

Тэрээр 1996 онд анх толгойтод нүүж ирсэн бөгөөд тухайн үед  гэр бүлийнхэн нь 300 гаруй мянган төгрөгөөр хашаа, байшингаа худалдан авсан тухай дурсамжаасаа хуваалцсан байна.

Реппер “Gee” нэгэн ярилцлагадаа “Би гэр хороололд амьдардаг гээд бусдаас илүү болоогүй. Харин ч орон сууцанд амьдардаг зовлон үзсэн хүнээс дутууг мэдэрсэн байх. Гэхдээ гэр хороололд амьдрах нь хүнийг хөдөлмөрт сургадаг. Тэнд бүх зүйлийг өөрөө л хийнэ. Усаа авч, түлээгээ хагалж, нүүрсээ буулгана. Усны тэрэггүй бол 20 литрийн саваар усаа зөөнө гээд хүнийг ажилд сургадаг юм” хэмээн өгүүлсэн байна.