Эсэргүүцлээ “нүцгэлж” илэрхийлсэн хоёр дасгалжуулагч эх орондоо ирлээ

Бразилын Рио де Жанейро хотноо болж буй 31 дэх удаагийн зуны олимпийн наадам хаалтаа хийн тамирчид маань эх орондоо өнөөдөр ирлээ. Хүн төрөлхтний эв нэгдлийн бэлгэдэл гэгддэг энэ удаагийн олимпийн сүүлийн өдөр чөлөөт бөхийн барилдааны сүүлчийн найдвар хэмээгдэж байсан Г.Мандахнаран хүрэл медалийн төлөө барилдсан ч, харамсалтайгаар ялагдсан билээ. Улмаар манай дасгалжуулагчид болох Ц.Цогтбаяр, Б.Баяраа нар чөлөөт бөхийн дэвжээнд хувцсаа тайлан шидэлсэн нь дэлхийн хэвлэлийн анхаарлыг татсаныг хэн бүхэн мэдэж буй.

Тэгвэл “Франц пресс” агентлагийн сайтад энэ талаар “Эрэгтэй чөлөөт бөхийн 65 кг-ийн жингийн хүрэл медалийн төлөөх барилдааны үр дүнг эсэргүүцсэн Монголын шүүгчид хувцсаа тайлж,  зөвхөн дотуур хувцастайгаа үлдсэн. Өмнө нь ийм өвөрмөц байдлаар эсэргүүцэл илэрхийлсэн тохиолдол маш ховор тохиолдол гэдгийг онцолж тэдний тамирчнаа гэсэн, шударга бусын төлөө хүчтэй дуугарсан энэхүү эсэргүүцлийг дэлхийн хэвлэл мэдээллийн хэрэгсэл одоо ч онцолж буй билээ. Тэгвэл тэд өнөөдөр эх орондоо ийн ирлээ. 

Э.Нашка