СЭРЭМЖЛҮҮЛЭГ: Зуслангийн замд ноцтой осол гарлаа

Чингэлтэй дүүргийн нутаг, Шаргаморьт чиглэлийн зуслангийн замд өглөө 08.25 цагийн орчим ноцтой осол гарчээ. Замын цагдаагийн газраас мэдээлснээр  Чингэлтэй дүүргийн нутаг Зунжин дэлгүүрийн баруун талд Subaru маркийн автомашины жолооч Т урсгал сөрж Toyoto Allion маркийн автомашинтай мөргөлдсөнөөс уг осол болжээ. Улмаар Т газар дээрээ нас барж, мөргүүлсэн машины жолооч Ө нь ГССҮТөвд хүргэгдэн очоод амьсгал хураажээ.

Мөн хоёр хүн гэмтсэн бөгөөд энэхүү ноцтой ослын хэргийг Чингэлтэй дүүргийн цагдаагийн хэлтэст шалгаж эхэллээ. Хэргийн газрын үзлэгээр осолдсон хоёр машин 150 км цагийн хурдтай явж байсан байна.